1 қыркүйек - білім әлеміне алғаш қадам басқан оқушылар үшін ерекше күн. Осы айтулы мерекеге орай №8 облыстық

санаториялық мектеп-интернатында 1-сынып оқушыларына арналған "Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі" тақырыбында салтанатты іс-шара ұйымдастырылды.

 Салтанатты іс-шарада мектеп-интернат директоры Толеуов Берикбол Оразгелдіұлы, мектеп-интернаттың ардагер ұстазы Жусенова Рыскүл Әмірбекқызы және ата-ана Апсадыкова Зейне Касымхановна сөз алып, барша ұстаздар қауымын, ата-аналар мен оқушыларды жаңа оқу жылының басталуымен құттықтап, оқушыларға ақ жол, сәттілік пен жарқын болашақ тілеп, ізгі тілектерін білдірді.

 Іс-шара барысында оқушылар өз өнерлерін көрсетіп, алғашқы қоңырауын соқты.

 Сонымен қатар әр сыныпта біріңғай сынып сағаты өтті. Сынып сағатында оқушылар  Қазақстан Республикасының Конституциясына арналған көрнекіліктермен танысып, өздерінің құқықтары мен міндеттері туралы мағлұмат алып, өз ойларын ортаға салды.

 Конституция – еліміздің тұрақтылығы мен тәуелсіздігінің, азаматтардың ұюю мен бостандықтарының берік кепілі.

Жас ұрпақтың бойына отансүйгіштік, азаматтық жауапкершілік және заңға құрмет сезімін қалыптастыру – баршамызға ортақ міндет!

 Білім күні құтты болсын! Жаңа оқу жылы табысты, білімге толы болсын! 

Тәрбие сағаты барысында оқушылар барлық жетістікке еңбек арқылы жетуге болатынын, еңбек еткен адам биікке жете алатынын көріністер арқылы көрсетіп, ән айтып, би биледі. Сонымен қатар болашақта ел ағаларындай сахна төрінен көрініп, "Алтын домбыраны" қанжығаға байлаймыз деген арманын білдірген оқушылар домбыраны қолға алып, бір-бірімен айтысып, көрермендерге ерекше көңіл-күй сыйлады.

 Мақсаты: Оқушыларды еңбексүйгіштікке тәрбиелеу, еңбек арқылы жетістікке жетуге болатынын ұғындыру, ұлттық өнер мен құндылықтарға қызығушылығын арттыру.

 "Еңбек ет те мақтан, ойнап күл де шаттан" атты тәрбие сағаты өткізілді.

 Тәрбие сағаты барысында оқушылар еңбек туралы көріністер қойып, ән шырқап, би билеп, көрермендердің көңіл-күйін көтеріп, еңбек адамдарына деген көзқарастарын кеңейтті.

 Мақсаты: Оқушыларға еңбектің қадірін ұғындыру, еңбек адамдарына сыйластықпен қарауға және адалдыққа тәрбиелеу.

 Оқушылар қойылым барысында өз рөлдерін жоғары деңгейде орындап, еңбекқорлық пен адалдықтың маңызын көрермендерге әсерлі жеткізе білді.

 "Еңбек - бақыт бастауы" - тәрбиелік мәні бар ертегі. Онда еңбекқор және жалқау адамдардың айырмашылығы көрсетіледі. Еңбекқор адам өз еңбегімен жетістікке жетсе, жалқау адам еш нәтижеге қол жеткізе алмайды.

Мақсаты: Оқушылардың еңбекке деген құрметін арттыру, адал еңбектің қадірін түсіндіру.

 Ашылу салтанатында интернат меңгерушісі Ж.Орынбасарова онкүндіктің маңыздылығына тоқталып, жоспарымен таныстырды. Директордың оқу ісі жөніндегі орынбасары Г.Дүйсенбаева сөз алып, оқушыларға адал еңбектің қадірін түсіндіріп, білімге деген құштарлықты арттыру басты міндет екенін атап өтті.

 Оқушылар мектеп ауласында өз өнерлерін көрсетіп, педагог-психолог Б.Акмурзаева және ұстаздар мен тәрбиеші апайларымен біргегүл егіп, суарып, еңбектің қадірін түсініп, табиғатты аялау мен қорғаудың маңызын терең ұғынды.

 Бірлескен еңбек - ұйымшылдықтың, жауапкершіліктің және еңбекқорлықтың жарқын көрінісі.

 Мақсаты: Оқушыларды адал еңбекке баулу, еңбекқорлық пен жауапкершілікке тәрбиелеу.

 23 сәуір – Ұлттық кітап және кітапханашылар күні құтты болсын!

 Кітап – тарихтың шежіресі, білімнің алтын қазынасы. Ал кітапхана – сол баға жетпес байлықтың киелі шаңырағы. Осы игілікті істің басында жүрген, оқырман мен кітап арасында алтын көпір болып жүрген кітапханашылардың еңбегі ерен.

 Мерекеге орай барша кітапхана саласының қызметкерлері мен оқырман қауымды құттықтаймыз! Отбасыларыңызға амандық, жұмыстарыңызға шығармашылық табыс тілейміз. Рухани қазынамыз молая берсін!

Ізгі ниетпен, №8 облыстық санаториялық мектеп-интернат ұжымы.

 Кездесуге И.Әбдікәрімов атындағы Қызылорда политехникалық жоғары колледжінің маманы Нұрейісова Әлия Алиакбарқызы, М.Ықсанов атындағы Қызылорда техникалық-IT жоғары колледжінің оқытушысы Кулекеев Бекзат Кашкинбаевич, С.Ысқақов атындағы Қызылорда құрылыс және бизнес колледжінің маманы Оргараева Майра Алыбаевна қатысып, оқушыларға қазіргі таңда сұранысқа ие мамандықтар туралы кеңінен ақпарат беріп, әр мамандықтың ерекшеліктері мен мүмкіндіктерін түсіндірді. Сонымен қатар, дұрыс мамандық таңдаудың маңыздылығына тоқталып, болашаққа нық қадам жасау үшін қажетті бағыт-бағдар ұсынды.

 Оқушылар өздерін қызықтырған сұрақтарын қойып, мамандардан пайдалы кеңестер алды.

 Бүгінгі шәкірт - ертеңгі болашақ. Сондықтан олардың бүгінгі мен келешегі бәрімізді де алаңдатары сөзсіз. Маман иелері айтқан ақыл-кеңестері оқушыларға үлкен ой салып, болашақта қалар мамандықтарын қателеспей табуына көп түрткі болады деп директордың бейін бойынша оқыту жөніндегі орынбасары М.Әбенова кездесуге келген мамандарға ризашылығын айтып, алғысын білдірді.

Мақсаты: Мамандық таңдау кезінде оқушыларға бағыт бағдар беріп, таңдау мүмкіндіктерін шешу. Адам өмірінде мамандықтың алатын орны, маңызы туралы түсінік қалыптастыру.

 Тәуелсіз Қазақстанның тұңғыш ғарышкері Талғат Мұсабаевқа 75 жыл

"Оқуға құштар мектеп" жобасы,

"Балалар кітапханасы" бағдарламасы аясында №8 облыстық санаториялық мектеп-интернатында Қазақстанның Халық қаһарманы, ғарышкер Талғат Амангелдіұлы Мұсабаевтың туғанына 75 жыл толуына орай "Ғарышқа ізін салған қыран қазақ" тақырыбында оқушылардың қатысуымен танымдық сабақ өткізілді.

 Талғат Амангелдіұлы Мұсабаев – қазақстандық ұшқыш-ғарышкер, авиация генерал-лейтенанты, қоғам және мемлекеһт қайраткері, Ресей ғарышкерлігі тарихындағы көрнекті тұлғалардың бірі.

1951 жылы 7 қаңтарда Алматы облысы, Жамбыл ауданына қарасты Қарғалы ауылында дүниеге келген.

Рига азаматтық авиация институтында радио жабдықтар мамандығы бойынша білім алып, еңбек жолын инженер ретінде бастаған.

1986 жылы азаматтық авиация ұшқышы куәлігін алды. 1991 жылы Ғарышкерлер корпусына қабылданды.

1994 жылы 1 шілдеде алғаш рет ғарышқа аттанып, "Союз ТМ-19" кемесінің борт инженері ретінде орбитада 125 күн болып, екі мәрте ашық ғарышқа шықты.

1994, 1998 және 2001 жылдары үш рет ғарыш сапарына қатысып, жалпы есеппен бір жылға жуық уақытын ғарышта өткізіп, жеті рет ашық ғарышқа шықты.

Еліне сіңірген еңбегі үшін 1995 жылы 12 қаңтарда "Халық қаһарманы" атағымен марапатталды.

 Танымдық сабақ барысында оқушылар ғарышкердің өмірі мен еңбек жолы туралы кеңінен мәлімет алып, оның ғылым мен ел дамуына қосқан үлесімен танысты. Сонымен қатар, сабақтың жалғасы ретінде "Мен ғарышкер боламын" атты сурет салу сайысы ұйымдастырылды.

 Сурет салу сайысында оқушылар алыс планеталарды, жұлдызды тұмандықтарды және болашақтағы ғарыштық саяхат көріністерін бейнелей отырып, өз қиялдарымен бөлісті.

Мақсаты: Оқушыларға Талғат Мұсабаевтың өмір жолы мен жетістіктерін таныстыра отырып, олардың ғылымға, ғарыш саласына деген қызығушылығын арттыру, отансүйгіштікке, ел мақтаныштарын құрметтеуге тәрбиелеу.

 Түсіндіру жұмыстары барысында оқушыларға есірткі заттарының адам денсаулығына, болашағына тигізер кері әсері туралы кеңінен түсіндіріп, пайдалы кеңестерімен бөлісті. Сонымен қатар "Біз есірткіге қарсымыз", "Нашақорлыққа қарсымыз" бейнероликтері көрсетіліп, оқушылар көкейінде жүрген сұрақтарды қойып, өз ойларын білдірді.

Мақсаты: Оқушыларды салауатты өмір салтын таңдауға, зиянды әдеттерден аулақ болуға, дұрыс шешім қабылдауға және болашаққа сенімді қадам басуға бағыттау.

⚘️Мерекелік кеш барысында оқушылар қазақтың ұлттық салт-дәстүрлерінен көріністер көрсетіп, әндер шырқап, би биледі және ұлттық ойындардан жарысқа түсіп, көтеріңкі көңіл-күй сыйлады. Сонымен қатар, мерекелік дастархан басында ақ бата беріліп, ұлттық тағамдар ұсынылды. 

 Мақсаты: Наурыз мейрамының маңыздылығын түсіндіру, қазақ халқының қонақжайлылық, бауырластық және сыйластық дәстүрлерін оқушылардың бойына сіңіру.