«Жүрек жылуы»

9 қазан күні Қызылорда облыстық халық шығармашылығын дамыту және мәдени-продюсерлік орталығының ұйымдастыруымен Асқар Тоқмағамбетов атындағы қалалық мәдениет үйінде ерекше балалар мен жасөспірімдерге арналған XIII облыстық  «Жүрек жылуы» атты өнер байқауы өтті.

Байқауда №8 облыстық санаториялық мектеп-интернатының ерекше оқушыларымыздан құралған «Балауса би» тобы жоғары деңгейде өнер көрсетіп, жүлделі II орынға ие болып, дипломмен марапатталды.

 Ерекше оқушыларымызды конкурсқа дайындап, жоғары деңгейде өнер көрсетулеріне үлес қосып, белсенділік танытқандары үшін мектеп-интернаттың музыка жетекшісі Гулмира Ахметбаева мен педагог-психолог Бахыткуль Акмурзаева Алғыс хатпен марапатталды.

 Осындай өнер байқаулары балалардың бойындағы дарынды ашып, шығармашылық қабілеттерін дамытуға жол ашады. Өнер арқылы жүректерге жылулық пен ізгілік ұялатып, жас ұрпақтың шабытын шыңдайды.

Жас өнерпаздарымызға шабыт, ұстаздарымызға шығармашылық табыс тілейміз! Алдағы байқауларда да биік белестерді бағындырып, жеңіс тұғырынан көріне берулеріңізге тілектеспіз.