📚“Әліппемен қоштасу, Ана тілмен достасу”

№8 облыстық арнайы санаториялық мектеп-интернатында 1 “А” сынып жетекшісі Қ.Маханбетованың ұйымдастыруымен “Әліппемен қоштасу, Ана тілмен достасу”атты мерекелік іс-шара салтанатты түрде өткізілді.

Бұл ерекше күні 1 “А” сынып оқушылары Әліппеге арнаған жүрекжарды өлеңдерін оқып, қуанышқа толы би билеп, ізгі ниетпен жаттаған әндерін тарту етті. Мектепке алғаш қадам басып, қолдарына алғаш "Әліппе" кітапты алып, сауатты жазуды үйренген бүлдіршіндер “Әліппе” кітабымен қоштасып, жаңа білім мен жетістіктерге толы жаңа кезеңге қадам басты. Олар қуанышпен және үмітпен "Ана тілі" кітабын құшақтарына алды.

Ата-аналар кішкентай бүлдіршіндерге алғашқы қуаныштарына құттықтау тілегін жеткізіп, жетістіктері үшін сынып жетекшісіне алғыстарын білдірді.