Уақытша бос тұрған лауазымға конкурс өткізу туралы хабарландыру

««Қызылорда облысының білім басқармасының «№ 8 облыстық санаториялық мектеп-интернаты» коммуналдық мемлекеттiк мекемесi, Қызылорда облысы, Қызылорда қаласы, индексі 120008, Ғ. Мұратбаев көшесі,44, электрондық мекен-жайы: 8-internat@mektebi.kz, уақытша бос тұрған мультимедия кабинетінің зертханашысы лауазымына орналасу үшін конкурс жарияланғандығы туралы хабарлайды.

1. Мультимедия кабинетінің зертханашысының негізгі функционалдық міндеттері:

Мұғалімдерге сабақтарды, сыныптан тыс сабақтарды жүргізуге көмектеседі. 

• еңбек ақы көлемі 100 000 теңгеден бастап;

-  жұмыс уақыты 08.30-дан 17.30-ға дейін.

2. Біліктілік талаптарына сәйкес конкурсқа қатысушыға қойылатын негізгі талаптар:  

жұмыс өтіліне талап қойылмайтын тиісті мамандығы бойынша техникалық және кәсіптік (арнаулы орта, кәсіптік орта) білімі;

жұмыс өтіліне талап қойылмайтын жоғары педагогикалық білімі немесе бейіні бойынша жоғары білімі.   

3. Конкурсқа қатысуға құжаттарды  қабылдаудың соңғы мерзімі 2025 жылғы қыркүйек айының 18 күнгі сағат 18.00-ге дейін.

4. Конкурсқа қатысуға ниет білдірген адам хабарландыруда көрсетілген құжаттарды қабылдайтын мерзімде ұйымға қолма-қол немесе пошта арқылы мынадай құжаттарды:       

1) қоса берілетін құжаттардың тізбесі көрсетілген конкурсқа қатысу туралы өтінішті;    

2) жеке басын куәландыратын құжаттың көшірмесін;      

3) кадрларды есепке алу жөніндегі толтырылған жеке парақты (нақты тұратын мекенжайы мен байланыс телефондары көрсетілген);      

4) лауазымға қойылатын біліктілік талаптарына сәйкес білімі туралы құжаттардың көшірмелерін;      

5) еңбек қызметін растайтын құжаттың көшірмесін;  

6) "Денсаулық сақтау саласындағы есепке алу құжаттамасының нысандарын бекіту туралы " Қазақстан Республикасы Денсаулық сақтау министрі міндетін атқарушысының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) бекітілген нысан бойынша жұмысқа жарамдылығы (денсаулық жағдайы) туралы анықтаманы;

7) сыбайлас жемқорлық қылмыс жасағаны туралы мәліметтердің бар не жоқ екендігі туралы анықтаманы;      

8) наркологиялық, психикалық және туберкулез науқасымен диспансерлік есепте жоқығы туралы анықтама;

9) болған жағдайда оның біліміне, жұмыс тәжірибесіне, кәсіби деңгейіне қатысты қосымша ақпаратты (біліктілігін арттыру, ғылыми дәреже мен атақ беру, ғылыми жарияланымдар туралы құжаттардың көшірмелері, алдыңғы жұмыс орнындағы басшылық берген ұсынымдарды) ұсынады.        

5. Әңгімелесу Қызылорда қаласы, Ғ.Мұратбаев көшесі 44 үйде өткізіледі. 

6. Уақытша бос тұрған зертханашы лауазымының мерзімі 2026 жылдың 1 қаңтарына дейін.