"Балалардың қылмысы үшін ата-аналары жауап беруі тиіс пе?"

28 ақпан күні облыстық арнайы санаториялық мектеп-интернатында эстетикалық пәндер бірлестігінің онкүндігінің жоспарына сәйкес технология пәнінің мұғалімі Ж.Ибраеваның ұйымдастыруымен 8-9 сынып аралығында "Балалардың қылмысы үшін ата-аналары жауап беруі тиіс пе?" тақырыбында мектепшілік дебат ойыны өткізілді. Ойын барысында "Балалардың қылмысы үшін ата-аналар жауап беруі тиіс" деген ұстанымды басшылыққа алған үкімет фракциясы өз тарапынан нақты фактілер мен дәлелдер келтіре отырып өз позицияларын қорғап шықты. "Балалардың қылмысы үшін ата-аналардың жаза алуы тым қатал үкім" деген оппозиция жағы өз тараптарынан дәлелдер келтіре отырып, тартысқа түсті. Ойын өте тартысты да, қызықты өтті. Оқушылар өздерінің ұшқыр ойларымен және тапқырлық, шешендік қасиеттерімен ойынды өте жоғары деңгейде көрсетті.