"Руханият керуені"

Қызылорда қаласының қоғамдық даму бөлімінің "Қала көлемінде діни экстремизм мен терроризмнің алдын алуға бағытталған насихаттық шараларды ұйымдастыру" әлеуметтік қызметінің "Руханият керуені" жобасы аясында

№8 облыстық санаториялық мектеп-интернатының оқушыларына "Діни экстремизм және оның алдын-алу жолдары" тақырыбында түсіндірме жұмыстары өткізілді.

Түсіндірме жұмыстарына Қызылорда қаласы қоғамдық даму бөлімінің модераторы, ұйымдастырушысы Алхожаева Бағдагүл, Дін мәселелерін зерттеу орталығының теолог маманы Бауыржан Нұрдаулет, директордың тәрбие ісі жөніндегі орынбасары Теміров Ержан қатысты.

Түсіндірме жұмыстары барысында мамандар оқушыларға діни экстремизмнің қоғамға тигізетін зияны, оның белгілері және одан сақтану жолдары туралы айтып, интернеттегі жалған діни ақпараттардан сақ болу, тек ресми дереккөздерге сену керектігін түсіндірді. Сонымен қатар кез келген күмәнді әрекет немесе адам байқалған жағдайда, ересектерге немесе тиісті органдарға хабарлау қажет екенін айтып өтті.