Биология пәнінің мұғалімі А.Абенованың ұйымдастыруымен 7-сынып оқушыларына "Ми. Ми бөлімдерінің құрылысы мен қызметі" тақырыбында ашық сабақ өткізілді

№8 облыстық санаториялық мектеп- интернатында "Жаратылыстану" пәндер бірлестігінің "Жаратылыстану ғылымдары және жасанды интеллект: болашаққа қадам" атты онкүндігі аясында биология пәнінің мұғалімі А.Абенованың ұйымдастыруымен 7-сынып оқушыларына "Ми. Ми бөлімдерінің құрылысы мен қызметі" тақырыбында ашық сабақ өткізілді.

 Ашық сабақ барысында биология пәнінің мұғалімі А.Абенова оқушыларға ми бөлімдерінің ерекшеліктері мен атқаратын қызметтері туралы жан-жақты түсіндіріп өтті.

 Ми 6 негізгі бөлімнен тұрады:

1. Үлкен ми - мидың ең үлкен бөлігі, саналы ойлау, сөйлеу, есте сақтау, сезіну, қозғалысты басқару сияқты жоғары жүйке қызметтерін атқарады.

2. Аралық ми - ағзаның ішкі тұрақтылығын сақтауға, зат алмасу мен дене температурасын реттеуге қатысады.

3. Ортаңғы ми - көру және есту рефлекстерін үйлестіреді.

4. Ми көпірі - мидың баған бөлігінің құрамына кіреді. Ол сопақша ми мен ортаңғы миды жалғастырып, ми бөлімдерінің арасындағы жүйке импульстерін өткізеді.

5. Сопақша ми - мидың баған бөлігінің төменгі бөлігі. Ол өмірлік маңызды қызметтерді реттейді.

6. Мишық - қимыл-қозғалысты үйлестіріп, дененің тепе-теңдігін сақтайды.

Осы аталған бөлімдердің адам ағзасындағы маңызы мен олардың өзара тығыз байланыста жұмыс істейтіні оқушыларға айтылды.

Мақсаты: Миға байланысты білімді тереңдету, ми бөлімдерінің құрылымы мен қызметін салыстыра отырып түсіндіру.