"Шәкәрім мұрасы - ұрпаққа аманат"

№8 облыстық арнайы санаториялық мектеп-интернатында 17 қазан күні ақын, жазушы, философ Шәкәрім Құдайбердіұлының туғанына 165 жыл толуына орай "Шәкәрім мұрасы - ұрпаққа аманат" тақырыбында тәрбиешілері Ж.Сақтағанова, А.Молдабаева, А.Төрегелдиеваның ұйымдастыруымен 6 сынып оқушыларына танымдық кеш өткізілді. 

.....Өз заманым үшін жазғам жоқ. Келер дәуірдің адамы үшін жаздым." дейді Шәкәрім бабамыз.

Шәкәрім - қазақ әдебиетін жаңа  белеске көтерген, қазақ халқының көркемдік ойының үздік үлгілерін туғызған, қазақ мәдениеті тарихында орны зор, заманының озық ойлы демократы, ірі ағартушы, терең ойшылы, философ әрі тарихшы, қазақ халқының өлеңдерін түрлендіре түскен, қазақ тілінің мол мүмкіндіктерін дамытып танытқан қаламгер екені туралы оның еңбектерінен үзінді көрсетіп, тыңдатып, оқушыларға із-белгі қалдырған адам екенін түсіндірілді. Сонымен қатар оқушылар "Еңлік-кебек" поэмасынан көрініс көрсетті.

Мақсаты: Жас ұрпақты ұлы бабамыз Шәкәрімнің өмір жолы мен шығармаларының тарихи мазмұны мағынасы туралы білімдерін жетілдіру. Сөз мәдениеті мен сөлеу мәдениетін, шешендік өнерге деген құштарлық, поэзияға деген қызығушылықтарын ояту. Кітапты сүйіп оқуға баулу.