«Ұлт рухын шыңдаған Ұлы даланың асыл ұрпақтары»

«Orda» жоғары колледжі, «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институты және Қызылорда облысының мемлекеттік архивімен бірге ұйымдастырылған облыс мектептерінің 8-9 сынып оқушылары арасындағы «Ұлт рухын шыңдаған Ұлы даланың асыл ұрпақтары» тақырыбында облыстық ғылыми жобалар сайысы өтті. Сайыста 9 сынып оқушыларының секциясы бойынша сарапшылары Қызылорда облыстық тарихи-өлкетану музейінің аға әдіскері Сахитжанова Эльзира Нағашыбайқызы, Қорқыт ата атындағы Қызылорда университетінің "Тарих және археология білім беру бағдарламасының оқытушысы, философия PhD докторы Шораев Бағлан Қошқарович, "ОRDА" жоғарғы колледжінің аға әдіскері Бекенова Айнұр Ерталапқызы болды. Сайыс нәтижесінде Әбенова Мирамгүл Жақсылыққызының жетекшілік етуімен №8 облыстық арнайы санаториялық мектеп-интернатының 9 "Ә" сынып оқушысы Смағұлова Алина білімді 20 оқушылар арасынан оқ бойы алға озып «Orda» жоғары колледжі, «Өрлеу» БАҰО» АҚ филиалы Қызылорда облысы бойынша кәсіби даму институтының III дәрежелі дипломымен марапатталды.