Халықаралық әйелдер күніне арналған мерекелік концерт

8 наурыз күні №8 облыстық арнайы санаториялық мектеп-интернатында  Халықаралық әйелдер күніне арналған мерекелік концерт өткізілді. Ұжымның ер-азаматтары нәзік жанды аруларды мерекелерімен құттықтап, ән-шашуларын арнады. Мерекелік шараның құттықтау сөзін мектеп-интернат директоры Берікбол Оразгелдіұлы алып, ұжымдағы ардақты аналарды, аяулы аруларды мерекелерімен құттықтап, дендеріне саулық, отбастарына амандық, жұмыстарына табыс және әйел бақытын тіледі. Қоғамдық жұмыстарға белсене араласып, болашақ ұрпақ тәрбиесіне аянбай күш-жігерлерін жұмсап, қызмет атқарып жүрген қызметкерлерді Қызылорда облыстық білім басқармасының Құрмет грамотасымен және кәсіподақ ұйымының Алғыс хатымен марапаттап, сый-сияпат тарту етті.