19
декабрь
2023
16 - желтоқсан Қазақстан Республикасының Тәуелсіздігі
15 желтоқсан күні №8 облыстық арнайы санаториялық мектеп-интернатында 
16 - желтоқсан Қазақстан Республикасының Тәуелсіздігі күніне орай желтоқсан оқиғасында ұлт болашағы үшін құрбан болған қазақ жастарымызды еске алуға арналған жиын өткізілді. Жиын барысы бір минут үнсіздікпен еске алумен басталды.Біз дербес ел болып, уығымызды қадап, шаңырағымызды көтеріп, ерікті еркін мемлекетімізді құрып, Қазақстан Республикасы атанып, көк байрақ туымызды желбіретіп, әлемге әйгілі болуымыздың өзі - осы Тәуелсіздікке қол жеткізуіміздің арқасы. Тәуелсіздігімізге шаң жұқтырмай оны ең қымбат бұйымымыздай етіп құрметтеп, келер ұрпақтар қолына аманаттап тапсыруға тиіспіз. Елімізді ішкі - сыртқы дұшпандардан қорғауға міндеттіміз. Сонда ғана Тәуелсіздігіміз мәңгілікке мирас болмақ деп түсіндірілді. Тәуелсіздік жолында Қайрат Рысқұлбеков, Ләззат Асанова, Ербол Сыпатаев, Сәбира тағы басқалар сияқты қазақ жастары желтоқсан оқиғасы кезінде қайсарлықпен ерлік көрсетіп құрбан болғаны туралы оқушыларға мағлұмат беріліп, экран арқылы бейнеролик көрсетілді.
Мақсаты: Еліміз тәуелсіздік алу жолындағы ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету. Оқушылардың туған өлкемізге деген сүйіспеншілігін, сезімдерін ояту. Елін, жерін сүюге. Отанын қастерлеуге, шыншылдыққа тәрбиелеу.