Тіл - әрбір ұлттың намысы, бары мен ары.

    Ал қазақ тілі - қазақтың мәдениетімен біте қайнасып жатқан рухани қазына. Осы бір баға жетпес байлықты әрбір адам ардақтап, құрметтеуі мақсатында құрылған апталық жұмыс жоспарына сәйкес мектеп-интернатымызда "Өзге тілдің бәрін біл, өз тіліңді құрметте" тақырыбында тәрбиелік шара өткізілді.

Мақсаты: оқушыларды қазақ елін, қазақ тілін қастерлеуге, ой-өрісін кеңейтуге, шешендік өнердің қыр-сырын ұғына білуге тәрбиелеу. Тілдің қоғам өміріндегі маңызын түсіндіру.

Шараға 6 сынып оқушылары белсене қатысты. Оларға тіл туралы мағлұматтар беріліп,  ары қарай  пікірталасқа ұласты. Тіл туралы нақыл сөздер,  мақал-мәтелдер, жаңылтпаштар, сөзжұмбақтар  жасырылып, қызықты ойындар ойнатылды.