МЕКТЕБІМ - МЕЙІРІМ МЕКЕНІ

Осындай тақырыппен 1 қыркүйек - Білім күні мерекесіне орай #8 облыстық арнайы санаториялық интернатында 2023-2024 оқу жылына арналған салтанатты жиын болып өтті.

Салтанатты жиынды мектеп-интернат директоры Берікбол Оразгелдіұлы ашып, алғаш мектеп табалдырығын аттаған бүлдіршіндерді мерекелерімен құттықтап, ізгі тілегін білдірді.

Іс-шара барысында келген қонақтар, ардагер ұстаздар және ата-аналар ақжарма тілектерін айтты.

Мерекелік жиын мектеп-интернат оқушыларының концерттік бағдарламасымен жалғасын тауып, жаңа оқу жылының алғашқы қоңырауы соғылды.

Жиын соңында барлық сыныптарда "Мектебім - мейірім мекені" тақырыбындағы сынып сағаттары өткізілді.