27
декабрь
2023
📚"Оқуға құштар мектеп"
"Оқуға құштар мектеп" жоба аясында №8 облыстық арнайы санаториялық мектеп-интернатының кітапханашысы Г.Шакиеваның ұйымдастыруымен 6 сынып оқушыларына Қазақ балалар әдебиетінің классигі, жазушы Бердібек Соқпақбаевтың "Менің атым - Қожа" повесі желісі бойынша "Балалық шағын балаларға үлгі еткен" тақырыбында оқырмандар конференциясы өткізілді. Оқушылар жазушының өмірі мен шығармашылығымен таныса отырып, "Менің атым - Қожа" повесінің кейіпкерлеріне талдау жасады.
"Менің атым - Қожа" повесі Бердібек Соқпақбаевтың артына өшпес із қалдырған, балдәурен әсерінің қаймағын бұзбай, ақиқаттан алшақтамай, балаға тән қиялдарды тебірене толғайтын шығармаларының бірі. Повесте зерек, алғыр, ақкөңіл, қоршаған ортасын бақылап жүретін бала туралы жазылған. Бұл повесть өте қызық, әрі күлкілі оқиға.
Мақсаты: Оқушыларға жазушы өмірі, әлемге танылған әйгілі шығармасы туралы білім беру, әңгіме бойынша оқушылардың ойын тиянақтау, Қожа мінезіне талдау жасап, өз көзқарастарын жүйелі айтуға үйрету, сөйлеу мәдениетін қалыптастыру.