№8 облыстық арнайы санаториялық мектеп-интернаты семинар өткізілді

Қазіргі таңда еліміздегі білім ошақтарында мектеп оқушыларына тамақ ұйымдастырылып келеді. Берілетін тамақтың сапасы мен құнарлығына аса мән берілуі тиіс және мектеп оқушыларына берілетін тамақтың сапалылығы, ыдыс-аяқтың тазалығы, санитарлық- эпидемиологиялық талаптардың сақталуы, азық-түліктің сапалы болуы үнемі назардан тыс қалмауы қажет. 

Осы орайда №8 облыстық арнайы санаториялық мектеп-интернаты семинар өткізді.

Семинар барысында қатысушылар мектеп асханасындағы барлық талаптардың орындалуы бойынша зерделеу жұмыстарын жүргізіп, бақылауға алынуға тиіс шараларды атап, өз ойларын ортаға салды.

Негізгі бақылауға алынған шаралар:

• Асхананың санитарлық -     эпидемиологиялық талаптарға сай болуы.

• Тамақ өнімдерінің сапасы.

• Күнделікті ас мәзірдің сәйкестігі.

• Ас үй ыдыстарының, асхана аспаптарының жай-күйі.

• Жеткізілген азық- түліктердің сапасы мен сақталу мерзімі. 

Семинар соңында қатысушылар оқушылардың тыныс-тіршілігін видеоролик арқылы көріп, мектеп-интернаттың ауласында орналасқан жылыжайымен танысып, көрсетіліп жатқан талаптар өз уақытында орындалып жатқанына көз жеткізіп, семинар жалғасын таба беруіне тілектестіктерін білдіріп, сәттілік тіледі.