"Сыныптағы буллинг"

2 сәуір кұні №8 облыстық арнайы санаториялық мектеп-интернатының педагог-психологы Б.Акмурзаеваның ұйымдастыруымен психологиялық қызметтің жоспарына сәйкес 5-6 сынып оқушыларына "Сыныптағы буллинг" тақырыбында Қызылорда облыстық жастар денсаулық орталығының психолог мамандары Р.Жумадильдаева, И.Каниеваның қатысуымен кездесу өткізілді.

Психолог мамандар оқушылармен кездесу барысында кез-келген жастағы адам үйде, мектепте, көшеде, жұмыста, оқу орнында яғни барлық жерде буллингке ұшырауы мүмкін екенін айтты. Алайда, ешкімнің өзін ренжітуге немесе өзі жайлы жаман ойлауға мәжбірлеуге құқығы жоқ екендігін айтып, олардан қорғану жолдарын түсіндірді. Сонымен қатар тақырып бойынша бейнеролик көрсетіп, жасөспірімдер арасындағы қорлау, мазақтау, намысқа тию оқушыларға кері әсер ететіні туралы толық мағлұматттар беріп, толғандырып жүрген сұрақтарына жауап берді. Шара соңында психолог мамандар оқушылармен ойын-жаттығулар жүргізді. Оқушылар ойын-жаттығуды жақсы көңіл-күймен орындап, белсенділік танытып, қызығушылықтарын көрсетіп, психолог мамандарға алғыстарын білдірді.

Буллинг (bulling) - aғылшын тілінен аударғанда, қорлау, қудалау, мазалау дегенді білдіреді.