№8 облыстық арнайы санаториялық мектеп-интернатында «Жарқын жүздесу» атты кездесу кеші өтті.

Кітап оқу – адам жанын байытып қана қоймай, оның өмірлік мақсатына серік болатын, серпін беретін рухани бастау. Ел Президенті Қасым-Жомарт Тоқаев: «Біз ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз» деп кітап оқудың ұлттық маңызын айтқан еді. Осы құнды бастамаға өз үлесін қосып жүрген азаматтар да баршылық.

8 қазан күні №8 облыстық арнайы санаториялық мектеп-интернатында «Жарқын жүздесу» атты кездесу кеші өтті. 

Кездесу кешіне Сыр өңіріне белгілі жазушы, Қазақстан Журналистер одағының мүшесі, «Кәсіпкер және мәдениет» журналы мен «Кәсіпкер келбеті» газетінің құрылтайшысы, Шиелі ауданының құрметті азаматы, қаламгер Таңрықбаев Жүзбай Ибрагимұлы қатысты. 

Кездесу кеш барысында кеш қонағы оқушыларға шығармашылығы және қазіргі қоғамдағы болып жатқан келеңсіздер мен кітаптың өмір түйінін шеше білетін рухани қуаты туралы әңгімеледі.

Мектеп оқушылары жазушы-журналист Жүзбай Таңрықбаевтың кітапхана қорына тарту еткен "Жолдағы ойлар", «Жайсаң жандар», "Сұлушаш", "Өмірдің өз шындығы", "Тәуелсіздік тұғырын биіктеткендер" атаулы кітаптарына шолу жасап, ән айтып, би билеп, түрлі сұрақтар қойып, тұшымды жауап алды.

Кеш соңында директордың оқу-ісі жөніндегі орынбасары Дүйсенбаева Гүлфарида Сейткамалқызы кешті қортындылап, керемет кеш ұйымдастырған кітапханашыларға, қатысқан оқушыларға және кештің қонағы Таңрықбаев Жүзбай Ибрагимұлына алғысын білдірді.