"Мұғалімдерге кәсіби және эмоционалды қолдау көрсету"

№8 облыстық арнайы санаториялық мектеп-интернатында бастауыш сынып пән бірлестігінің "Жаңаша оқыту - жетістік көзі" атты онкүндік аясында бастауыш сынып мұғалімі А.Абилдаеваның ұйымдастыруымен "Мұғалімдерге кәсіби және эмоционалды қолдау көрсету" тақырыбында коучинг өткізілді.

Коучингті өткізу барысында мұғалімдерге өзінің жаңа идеяларымен бөлісіп, қолдау көрсетті. Коучинг бәріміз үшін ерекше әрі пайдалы және мотивацияға толы болды.

Коучингтің негізгі бағыттары:

- Педагогикалық дағдыларды жетілдіру.

- Кәсіби және эмоционалды қолдау көрсету.

- Білім беру талаптарына бейімделу.

- Командалық жұмыс мәдениетін қалыптастыру.

- Цифрлық технологияларды қолдану.

Коучинг соңында бастауыш сынып мұғалімі А.Абилдаева өз шығармашылығынан "Ұстаз - дана" әнін мұғалімдермен бірге орындай отырып, көтеріңкі көңіл-күй сыйлады.