"Қазақтың рухын оятқан тұлға" тақырыбында танымдық сабақ өткізілді.

"Оқуға құштар мектеп" жобасы, 

"Балалар кітапханасы"бағдарламасы аясында №8 облыстық санаториялық мектеп-интернатында 6 сынып оқушылардың қатысуымен қазақтың аса көрнекті ағартушысы, қоғам қайраткері, ақын, жазушы Міржақып Дулатовтың туғанына 140 жыл толуына орай "Қазақтың рухын оятқан тұлға" тақырыбында танымдық сабақ өткізілді.

Халық жүрегіне ерекше қымбат тұлғалардың бірі - Міржақып Дулатов.

Әдебиеттің дамуына үлес қосқан, қаламгер және коғамдық-әлеуметтік іске белсене араласқан қайраткер.

Міржақып Дулатов бұрынғы Торғай облысының Жангелдин ауданындағы Қызбел атырабында 1885 жылы 25 қарашада дүниеге келген.

Танымдық сабақ барысында оқушыларға Міржақып Дулатов туралы мазмұнды бейнеролик көрсетіліп, оның ең әйгілі туындыларының бірі - "Оян қазақ!" шығармасынан үзінділер оқылды. 

Сонымен қатар оқушылар Міржақып Дулатов ақынның өлеңдерін оқып, өздері білетін қызықты деректермен бөлісіп, ой алмасу жүргізді.

Танымдық сабақ өте әсерлі өтіп, оқушылардың ұлттық тұлғаларға деген қызығушылығы арта түсті.

Осындай танымдық сабақтар жас ұрпақтың рухани дүниесін байытып, елін сүйетін азамат болып қалыптасуына үлес қосатынына сенеміз.

Мақсаты: Ұлы тұлғаларымыз жайында мәлімет бере отырып, оқушылардың бойына шығармашылық қасиетін ұялату.