Орыс тілі пәні мұғалімі Г.Абдукаримованың ұйымдастыруымен "Ұшқыр ой алаңы" жобасы шеңберінде 7-8 сынып оқушыларының қатысуымен "Қазіргі қоғамға салт-

№8 облыстық санаториялық мектеп- интернатында қоғамдық-гуманитарлық пәндер бірлестігінің онкүндігі аясында орыс тілі пәні мұғалімі  Г.Абдукаримованың ұйымдастыруымен "Ұшқыр ой алаңы" жобасы шеңберінде 7-8 сынып оқушыларының қатысуымен "Қазіргі қоғамға салт-дәстүр қажет пе?" тақырыбында мазмұнды әрі тартысты пікірсайыс өтті.

 Пікірсайыс барысында қатысушылар "Жақтаушы" және "Даттаушы" топтарына бөлініп, өз ұстанымдарын нақты дәлелдермен қорғады.

"Жақтаушы" тобы салт-дәстүрді ұлттың айнасы ретінде бағалап, оның халықтың тарихы мен дүниетанымын, мәдениетін ұрпақтан ұрпаққа жеткізетін маңызды рухани құндылық екенін атап өтті. 

Ал "Даттаушы" тобы кейбір салт- дәстүрлердің заман талабына сай келмейтінін, ескірген көзқарастар қазіргі қоғамның дамуына кедергі келтіруі мүмкін екенін алға тартты.

 Пікірсайыс соңында екі тарап ортақ шешімге келіп, қазіргі қоғамда салт-дәстүр өткеннің қалдығы емес, керісінше, оны заман талабына сай ұштастыра білсек, ұлттың рухани тұтастығын сақтап, болашаққа жетелейтін құндылық екенін тыңдаушыларға жеткізді.

Мақсаты:

• Оқушылардың сыни ойлау қабілеттерін дамыту.

• Өз көзқарасын дәлелді түрде жеткізе білуге үйрету.

• Ұлттық құндылықтар мен қазіргі заман талаптарын салыстыра талдау.

• Қоғамдағы салт-дәстүрдің маңызын түсіндіру.