09
октябрь
2023
ҰСТАЗДАРҒА ҚҰРМЕТ КӨРСЕТІЛДІ
Елдің ертеңгі буыны – ұрпақ келешегінің кемел, болашағының баянды болуы, ең әуелі мұғалімнің есімімен тікелей байланысты. Білім мен тәрбие құндылықтарын үздіксіз игертіп, сауатты және өз білімін туған жерінің игілігіне жұмсауға құштар жас өрендерді өсіріп, алтын ұяларынан ұшыру да ұстаздардың күнделікті тіршілігінің көрінісі. Сондықтан да бар адамзаттың құнды өмірлік тәжірибесін және адамгершілік негізін қалыптастырған мұғалімдер қауымын ұлықтап, құрмет білдіретін бұл күн – ұлық мереке.
ҰСТАЗДАРҒА ҚҰРМЕТ КӨРСЕТІЛДІ5 қазан "Ұстаздар күні" мерекесінде
№8 мектеп-интернат оқушыларының ұйымдастыруымен "Ұстазым - ұлағатым" атты мерекелік шара өткізілді. Мерекелік шарада №8 мектеп-интернат директоры Берікбол Оразгелдіұлы ұстаздарды айтулы мерекемен құттықтап, жылы лебізін білдіріп, барша ұстаздарды алғыс хатпен марапаттады. Оқушылар ән айтып, би билеп, ұстаздардың көңілдерін серпілтті.
