"Бала бойында ұлттық құндылықтарды қалыптастыруда ата-ананың рөлі"

№8 облыстық арнайы санаториялық мектеп-интернатында психологиялық- педагогикалық қолдау қызметі мамандарының ұйымдастыруымен 12.02.2024-16.02.2024 ж. аралығында "Мейірімділік әлемі" атты апталықтың ашылуы өткізілді. Апталықтың ашылуына орай мектеп-интернаттың кіре беріс бөлігі безендіріліп, директор Толеуов Берікбол Оразгелдіұлы бастаған ұжым қызметкерлерін, ата-аналарды, оқушыларды әсем әуенмен арнайы аю бейнесіндегі кейіпкер мен педагог-психолог Б.Акмурзаева, әлеуметтік педагог Г.Утембетова көңіл күйлерін көтеру мақсатында билетіп қарсы алды. Осы тұста "Жылы жүрек, жақсы тілек!" жүрекшесінің ішіне өз қолдарымен жүректен шыққан лебіздерін жазды. Жақсы сөз, жылы тілек әр адамның көңілін көтеріп, олардың жүрегіне жылу береді, көңіліне қуаныш сыйлайды. Жылы сөз адамдарды татуластырады, достастырады, өзара сыйластық артады. Сонымен қатар "Бала бойындағы тапқырлық пен эрудицияны қалай дамытуға болады?" тақырыбында бастауыш сынып ата-аналарына тренинг жүргізілді. Тренинг барысында түрлі әдістемелер жүргізіліп, сұрақ-жауап түрінде ата-анамен байланыс жасалып, кәсіби бағдар берілді. Тренинг соңында мектеп-интернат ұжымы "Жантану" гимінін орындады.

Апталықтың мақсаты: Адам бойындағы асыл қасиеттердің бірі мейірімділік туралы жан-жақты ой қозғау, мейірімділіктің адам өміріндегі маңыздылығын түсіндіру.