"Кітап патшалығындағы мереке"

2 сәуір күні "Оқуға құштар мектеп" жобасы аясында Халықаралық балалар кітабы күніне орай №8 облыстық арнайы санаториялық мектеп-интернат оқушылары Ә.Тәжібаев атындағы Қызылорда облыстық әмбебап ғылыми кітапханасында ұйымдастырылған "Кітап патшалығындағы мереке" атты мерекелік кешке қатысты. 

Мерекелік кешке сонымен қатар қаламыздағы Абылайхан атындағы №140 қазақ орта мектебі, К.Қаракөзов атындағы №235 мектеп-гимназиясы, С.Лапина атындағы №261 орта мектебі және І.Қабылов атындағы №12 ІТ мектеп-лицейдің оқушылары да болды. Оқушылар кітап мерекесіне байланысты көптеген ақпараттар алып, Б.Соқпақбаевтың "Ана жүрегі" әңгімесі бойынша қойылған сахналық қойылымды көріп, ән тыңдады.

Мерекелік кеш соңында дүниетанымын кеңейтетін, ақыл-ойын дамытып,  шығармашылық қабілетін шыңдайтын 

"Сиқырлы кітаптар әлемі" атты кітап көрмесімен танысты.

Кітап – білім бұлағы болса, кітапхана – рухани қазына ордасы.

Мақсаты: Қазіргі технология дамыған заманда оқушыларды кітапқа деген қызығушылығын ояту және кітап оқуға баулу.,