"Ел үмітін ер ақтар"

№8 облыстық арнайы санаториялық мектеп-интернатында 7 мамыр – Отан қорғаушылар күні, 9 мамыр – Жеңіс күніне орай "Ел үмітін ер ақтар" тақырыбында мерекелік кеш өткізілді. 

Мерекелік кеш барысында директордың оқу ісі жөніндегі орынбасары Г.Дүйсенбаева оқушыларды мерекемен құттықтап, егеменді еліміздің еңселі азаматтары мен азаматшалары болуларына тілек білдірді. 

Оқушылар патриоттық әндер айтып, би билеп, соғыс жылдарынан көрініс қойды.

Басты мақсат – «Ешкім де, ештеңе де ұмытылмайды» деген қағиданы ұстана отырып, жас ұрпақты тарихымызды тереңнен тануға баулу. 

Оқушылардың Отан тарихына деген сүйіспеншіліктерін арттыру, жеңіс салтанатын көре алмай кеткен боздақтардың ерлік істеріне тағзым етуге, өз халқымыздың тарихын құрметтей білуге тәрбиелеу. 

Егеменді еліміздің тыныштығын және бейбітшілігін қорғау - әр азаматтың қасиетті борышы екендігін ұғындыру.

7-9 мамыр Отан қорғаушылар және Ұлы Отан соғысындағы Жеңіс күні мерекесінің қарсаңында, жоғары сынып оқушылары арасында «Жігіт сұлтаны - 2024» байқауы өтті. 

Әділқазылар алқасының шешімімен

"Жігіт сұлтаны - 2024" номинациясын 9«Ә» сынып оқушысы Базарбай Бекзатхан иеленді. Қалған қатысушылар әр түрлі номинацияларға ие болып, дипломдармен марапатталды.

Мақсаты: 

1. Ата салтын насихаттай отырып, нағыз қазақ жігітінің бойындағы қасиеттерімен таныстыру.

2. Әр баланың бойындағы қабілеттерін: ойлау, әр түрлі жағдайлардан шыға білу, өнерін көрсету, тапқырлық, сахна мәдениетін қалыптастыру, дамыту.

3. Ата салтын ардақтайтын, өз елін сүйер нағыз қазақ жігітінің қасиеттерін бойына сіңіре білер ұрпақты тәрбиелеу.